Жаңалықтар

2026 жылғы 17 қыркүйекте КМК «ШҚО ДСБ «Қалалық емхана №2»» қызметкерлері үшін сыбайлас жемқорлыққа қарсы іс-қимыл және сыбайлас жемқорлық тәуекелдерінің алдын алу мәселелері бойынша оқыту семинарлары өткізілді. Семинарлар Қазақстан Республикасы Мемлекеттік қызмет істері агенттігінің Шығыс Қазақстан облысы бойынша департаментінің қолдауымен ұйымдастырылды.

Семинарлар барысында сыбайлас жемқорлыққа қарсы заңнаманың негізгі ережелері, сыбайлас жемқорлық құқық бұзушылықтардың алдын алу шаралары, сондай-ақ қызметкерлердің құқықтық сауаттылығын арттыру мәселелері қарастырылды.

Адалдық, ашықтық және қызметтің айқындылығы қағидаттарын сақтау, сондай-ақ Қазақстан Республикасының сыбайлас жемқорлыққа қарсы заңнамасындағы өзгерістерге ерекше назар аударылды.

---

ДЕНСАУЛЫҚ САҚТАУ САЛАСЫНДАҒЫ МЕМЛЕКЕТТІК ҚЫЗМЕТТЕР БОЙЫНША ТІКЕЛЕЙ ЭФИР ӨТТІ

2026 жылғы 20 шілдеде Қалалық емхана №2 Instagram парақшасында денсаулық сақтау саласындағы мемлекеттік қызметтер бойынша тікелей эфир өткізілді.

Тікелей эфир барысында келесі мәселелер талқыланды:

• емханаға тіркелу;
• медициналық көмек алу;
• дәрілік заттармен қамтамасыз етілу;
• денсаулық сақтау саласындағы мемлекеттік қызметтер;
• пациенттердің сұрақтарына жауап берілді.

Спикерлер:
Бас дәрігердің емдеу ісі жөніндегі орынбасары – Хасенова Д.М.
Пациенттерді қолдау қызметінің сарапшысы – Кондыбаева А.Е.

---

Қан донорлығы туралы — әлеуметтік оқиғалар тілі арқылы.

2026 жылғы 16 ақпанда облыстық бюджет қаражаты есебінен жүзеге
асырылатын «ШҚО халқының салауатты өмір салтын қалыптастыруды
өтеусіз қан және оның компоненттерінің донорлығын дамыту арқылы жүзеге
асыру» мемлекеттік әлеуметтік тапсырысы шеңберінде өтеусіз қан
донорлығына арналған әлеуметтік бейнеролик түсірілді. Бейнероликті
«Қазақстанның болашағы үшін» жастар ұйымы «Шығыс Қазақстан облыстық
қан орталығы» ШЖҚ КМК және «Шығыс Қазақстан облыстық ауруханасы»
ШЖҚ КМК-мен бірлесіп жасады. Жобаның басты мақсаты — қоғамның қан
донорлығының маңыздылығына назарын аударту, әрбір донорлықтың қан
құюды қажет ететін науқастар үшін өмірді сақтап қалуға мүмкіндік беретінін
көрсету, сондай-ақ облыс тұрғындарын салауатты өмір салтын ұстануға және
игі донорлық қозғалысқа қатысуға ынталандыру. Жобаның барлық
қатысушыларына өтеусіз қан донорлығы мәдениетін дамытуға және өзара
көмек пен мейірімділік құндылықтарын насихаттауға қосқан үлесі үшін
алғыс білдіреміз.
——————

ҚАНТ ДИАБЕТІ ҚОРҚЫНЫШТЫ ЕМЕС — ОЛ ТУРАЛЫ БІЛМЕУ ҚОРҚЫНЫШТЫ!

Қант диабеті – ерте анықталған жағдайда тиімді бақылауға болатын ауру. Аурудың бастапқы кезеңінде айқын белгілер болмауы мүмкін, сондықтан уақтылы тексеруден өту өте маңызды.

Қант диабетін ерте анықтау үшін скринингтен өтіңіз!
Өз денсаулығыңызды бүгіннен бастап бақылаңыз – тұрақты профилактикалық тексерулер асқынулардың алдын алуға көмектеседі.

Денсаулығыңыз – өз қолыңызда!

———

ЖОСПАРЛЫ ЕМДЕУГЕ ЖАТҚЫЗУҒА ЖОЛДАМАНЫ ҚАЛАЙ АЛУҒА БОЛАДЫ ЖӘНЕ ОНЫҢ ШҰҒЫЛ КӨМЕКТЕН АЙЫРМАШЫЛЫҒЫ НЕДЕ?

Роликте:

• стационарға жолдаманы қалай алуға болатынын;
• медициналық ұйымды таңдауға бола ма;
• емдеуге жатқызу кезегін қалай бақылауға болатынын;
• қандай жағдайларда медициналық көмек шұғыл көрсетілетінін түсіндіреміз.

Сондай-ақ, МӘМС жүйесінде «Сақтандырылған» мәртебесі қай кезде қажет екенін және қандай жағдайларда медициналық көмек сақтандыру мәртебесіне қарамастан көрсетілетінін айтып береміз.

---

ҚАЛАЙ МӘМС АЯСЫНДА ПСИХОЛОГ КӨМЕГІН АЛУҒА БОЛАДЫ?
🧠 Иә, психологтың кеңесі ТМККК және МӘМС жүйесі аясында қолжетімді.
Емханада сіз:
✔️ Психологтың қабылдауына жазыла аласыз;
✔️ Мінез-құлықтық және психобелсенді бұзылыстарға күдік болған жағдайда кеңес ала аласыз;
✔️ Әлеуметтік және жас ерекшеліктеріне байланысты бейімделу мәселелері бойынша қолдау аласыз;
✔️ Созылмалы аурулар кезінде өзін-өзі басқару дағдыларын үйрене аласыз;
✔️ Жүкті әйелдерге, жасөспірімдер мен жастарға арналған психологиялық қызметтерді пайдалана аласыз;
✔️ Психикалық денсаулықты нығайтуға бағытталған профилактикалық іс-шараларға қатыса аласыз.
━━━━━━━━━━━━━━━

№2 қалалық емханасында офтальмолог дәрігер Жаркембаева Ардақ Жанымқанқызы медицина қызметкерлеріне арналған офтальмологиялық аурулардың диагностикасы, алдын алу және емдеу мәселелері бойынша оқыту сабағын өткізді.
Кездесу барысында көз ауруларын ерте анықтаудың заманауи тәсілдері мен пациенттерді мамандандырылған медициналық көмекке бағыттау тәртібі талқыланды.
Сондай-ақ, медициналық көрсетілімдер болған жағдайда офтальмологиялық операциялардың МӘМС жүйесі аясында жүргізілетініне ерекше назар аударылды. Бұл пациенттердің қажетті мамандандырылған көмекті уақтылы әрі тегін алуына мүмкіндік береді.
Мұндай оқыту іс-шаралары медицина қызметкерлерінің кәсіби білімін арттырып, көрсетілетін медициналық көмектің сапасын жақсартуға ықпал етеді.

---